通脹時代來臨，衣、食、住、行樣樣加價，連流動電話服務都加價！和記電訊旗下的「3香港」日前通知客戶，今年10月1日起新上台客戶，本來免費的網內短訊每個將需繳付兩角，跨網短訊則維持每個六角。有網民批評3香港趕客，「我仲諗住下個月合約到期後就轉用3，𠵱家真係要三思啦！」
用手機發短訊（SMS）越來越普及，網民對網內短訊也要收費很意外。「唔係真係要收錢吓？我啲SMS好多㗎喎！如果真係咁，會好大影響。」
舊客戶暫不受影響
3香港網內短訊都要收費的消息傳開後，成為網上熱門話題，不少網民都批評形同搶錢。
網民Gloria說：「真係好賤呀！我簽咗約𠵱家至話收錢！」網民kasumi稱，「我剛轉3就係想勁傳SMS，早知唔轉台。」
Net神致電3香港求證，發言人澄清，網內短訊收費只適用於新客戶，舊客戶不受影響，客戶即使近期約滿要重新續約，亦不受新收費影響。她又稱客戶可以選擇增值服務，每月付8元可發送10,000個網內短訊。不過，有網民仍然不滿，「咁即係變相迫我哋每個月畀多8蚊。」至於新收費將來會否擴展至舊客戶，發言人稱暫時未有消息。
http://www.beautyexchange.com.hk/revamp/forums/read.php?4 ,3283050,page=1