早前曾提過普羅散戶每逢到10月，都會比較神經質，星俠亦一樣，最近不時留意股海有否出現特別的數字，並嘗試從中揣摩，且看有否對港股大勢別具深思的啓示。星俠不迷信，只知股海奧秘，即使有些數字未必真有意思，但也有示警作用。
紅灣開售料有刺激
好似上周五港股回升857點，但期指收市報27924，上升911點，比現貨高水93點，星俠望完即有反應。「911」係乜事大家都知，究竟上周五期指收市升911點，會否係「空軍」出動的暗號？上述假設無法證實，但星俠睇完就會視作一種入市警惕。
現時股價已炒高者，好難說服自己胡亂再炒，故傾向炒落後而又有業績支持者。新創建（659）夥拍新鴻基地產（016）持有權益各佔一半的紅磡紅灣半島，已補地價，準備於月內開售，對股價落後大市的新創建提供炒作誘因，料股價隨時作旗形突破，首站目標可見24元，下一站上試52周高位26.30元。