梁詠琪（GiGi）、鄭融、周柏豪、吳雨霏及王菀之等，昨日在尖沙嘴出席澳門旅遊嘉年華會，GiGi說：「佢哋（指澳門）嘅文化建築保存得好好，希望香港都可以有多啲古蹟吸引遊客。」每次去澳門也為公幹的GiGi，自言從未到過當地的情侶酒店，她說：「我冇試過拍拖去澳門，始終多中國人，冇咁自在。遲啲可能又有機會去開騷，但未落實幾時。」
王菀之有醋意
與唱片公司約滿的王菀之表示快將公佈去向，有傳何韻詩力阻她加盟東亞，王菀之說：「佢係我朋友又係前輩，我唔信佢好似報道上張相咁惡，大家唔好信。」提到張敬軒被指偷食，與女助手傳緋聞，王菀之說：「咪食囉！唔關我事，叫佢食飽啲。」記者指王菀之似有醋意，她說：「祝福佢點會係呷醋，個女仔係我同事，又點會變情敵。」
採訪、攝影：王連連