安樂死問題爭議極大，病人不能自決安樂死，寵物應否有這權利？主人能否為寵物決定安樂死呢？網民「firerescue」贊成讓病重的寵物安樂死：「寵物雖然講唔到嘢，但好多時我哋可以feel到佢哋幾時唔掂，佢哋好辛苦，打支針令佢哋舒服咁走仲好。」
「同親手殺佢冇分別」
網民「andyhui812」卻認為，寵物主人有責任照顧寵物終老，「我唔忍心囉，咁同親手殺死佢有咩分別？」「ppdogdom」曾經作過安樂死決定，「我上年決定前一刻真係好難受，但係看見自己嘅寶貝抽筋，個心真係好痛，難以形容。」網民奀豬阿娘認為人類根本不知道動物想法，「我哋唔係狗狗，唔知佢會唔會情願痛苦，但都想對住狗主多啲時間。」
面對生死抉擇，有網民直言無法決定，網民我為貓狂認為可交由獸醫決定：「我覺得如果獸醫證實咗係無得救，為咗減輕佢痛苦，可以選擇打針送佢走。」幸好Net神沒有養寵物，否則也不知如何抉擇。
http://www14.discuss.com.hk/viewthread.php?tid=5467034&extra=page%3D2&page=1