【本報訊】五歲的棋棋與三歲的弟弟鈞鈞，去年底被診斷患上腦葉酸缺乏症，患者最初肌肉不協調，其後失明、失聰、身體僵直變植物人，經過半年的治療，二人的情況沒有好轉。他們的爸爸黃啓發，遂參加電視節目《一擲千金》，希望替弱能兒童籌款及引起社會關注。 記者：張嘉雯 白琳
「我唔係active（主動）嘅人，但我會出聲㗎，我唔會瞌埋對眼，自己個仔有得醫就算。」黃啓發（發記）本身是公務員，從來沒想過要上電視，做「宣傳」，但為了其他有子女患類似疾病的家庭，發記決定豁出去，「我成日都會諗起啲我唔識嘅人，希望佢哋都可以知道多啲，如果可以醫嘅，早啲帶個細路仔去醫。」
腦葉酸缺乏 或變植物人
兩人是香港首兩宗腦葉酸缺乏症個案，外國的病例活不過12歲，小兒子黃莨鈞，體內葉酸抗體指數達四，外國抗體指數達二至三的患者，大多已失明或失聰，但鈞鈞暫時病況不明顯，但開始有流口水，反射動作極大等輕微病徵。外國有研究指，乳製品會令體內腦葉酸抗體含量增加，小兄弟二人早前已戒掉朱古力、雪糕、芝士等奶製品，嘗試阻延病情惡化。
為了幫助其他人，平日發記在街上遇到有類似症狀的孩子，都會主動上前跟他們的家長聊天，「其實係好難㗎，呢樣嘢係好難同人講，八、九歲嘅細路仔，啲人啲眼神會好懷疑，我問人哋去邊度睇醫生，有無驗呢樣嗰樣咁，好似寶藥黨咁。」
過份熱情被當「寶藥黨」
過去大半年，發記接受過報章、電視訪問，又參與福音電影製作，但覺得巿民關注不多，有天忽發奇想，「不如參加《一擲千金》啦！內地會cut嗰啲新聞節目，但《一擲千金》唔會cut，大陸可能有好多人患呢啲病，咁佢哋就可以知道。」
節目昨晚播出，他計劃把籌得款項捐贈弱能兒童護助會，他在節目中表示，「我唔係好有錢，我都好想有個突然機會發達，……但我都將我呢個發達嘅希望捐出嚟，希望大家都做多啲。」最終他只贏得5,000元，當中有2,000元為現金，「我哋籌到嘅錢唔多，惟有希望呢個節目播出後，可以多啲人注意，捐款去個會度。」捐款可電︰2819-3050。
特稿
有人上節目籌律師費手術費
參加《一擲千金》，黃啓發早料到會惹來閒言閒語，「好似將兩個仔推出街，擺張紙喺前面寫滿字問人要錢咁，我哋經濟上係『忟忟哋』，但唔使人幫助，唔使捐錢，啲錢我係用嚟捐畀弱能兒童（護助）會。」他希望借助活動讓更多人了解此病，及早帶子女診治：「我面試嘅時候，大會啲工作人員已經同我講，話攞咗筆錢唔係自己要，真係第一次見。」
《一擲千金》最高獎金達300萬元，成為不少市民的籌款途徑。鄭展鵬的胞弟展鴻在屯門公路駕車失事，被懷疑裝嵌不當的防撞欄穿破頭部死亡。鄭展鵬遂入稟控告路政署疏忽，上月參加節目欲籌募律師費，惟只贏得獎金50元。
漫畫家Queenie本年初也曾參加節目，打算贏取獎金讓失明男友Ken到美國接受眼科手術。雖然她只獲獎金1.6萬元，但這對聲名大噪的戀人獲贊助商垂青，成為首對在山頂凌霄閣結婚行禮的新人。