內地歌手海鳴威前晚攞完港台嘅新人獎，噚日又去商台做訪問喇。有八成似張家輝（小圖）嘅佢原來一早做過《雪狼湖》嘅舞蹈員，舊年又參加中央台嘅《夢想中國》比賽，差唔多十萬個參賽者入面攞第二，真係威水。問到佢想唔想拍戲呢，佢就好鬼馬咁話自己平好多，又話好想拍動作片喎，唔知真家輝聽到會點呢？