志雲撐住撈筍嘢<br>鄧健泓見舊愛抱犬灑淚

志雲撐住撈筍嘢
鄧健泓見舊愛抱犬灑淚

鄧健泓(Patrick)當年因簽下無綫經理人合約而遭黃柏高放棄,不過最近他獲陳志雲厚愛,對方為了圓愛將出碟夢,不惜將他的經理人合約與正東唱片共享。昨日他在簽約記招上見到舊愛原子鏸與愛犬的祝賀短片,更感觸得落淚。

鄧健泓昨日在尖沙嘴出席簽約正東唱片記者會,由鄭裕玲(嘟嘟)擔任司儀,幾位味之天使送上四杯分別甜酸苦辣的飲品,再由陳志雲與唱片公司高層洪廸一起送上一杯甘筍汁給Partick,代表他苦盡甘來。
陳志雲在台上笑說:「呢杯肯定唔係蜜糖,下次唔好再話我係蜜糖,有人問你用乜嘢形容TVB,就用甘筍汁啦。」無綫今次首度和唱片公司合作經營一個藝人,兩間公司都可為Partick安排工作,可見他受寵程度。
除了李克勤親自到會場送上枕頭,寓意Partick安枕無憂外,唱片公司還安排不少旗下藝人拍攝祝賀短片,包括陳奕迅、陳慧琳和孫耀威,連崔健邦也有份,不過最為驚喜的莫過於Partick的前度女友原子鏸。

無懼李詩韻呷醋

原子鏸在片中說:「好恭喜你,祝你成功,記住我教你嘅唱歌方法,傷唔到聲㗎,記住保護把聲,其實仲有個類似人嘅嘢要同你講嘢,就係佢啦,快啲saygoodluck啦。」原來所謂類似人就是二人當年共養的愛犬Seth,Partick一見到Seth就忍不住哭起來,要嘟嘟姐擁抱安慰,Partick更一度說不出話。
事後問Partick是否見到前女友祝賀感動流涕,他說:「唔係,係因為Seth,我好錫呢個仔,好耐冇見過佢,係人都知我一提到Seth都會好激動,不過其實以前我有好多歌都有佢哋兩個陪住我,所以好感觸。」問他會否擔心現任女友李詩韻呷醋,他說:「唔怕,佢明㗎啦。」
採訪、攝影:胡比

舊愛原子鏸與愛犬同出現在祝賀短片中,鄧健泓看到即感觸落淚(右圖)。

(左起)陳志雲與唱片公司高層洪廸送上一杯甘筍汁給鄧健泓,寓意愛將苦盡甘來。