徐子珊昨日穿上性感露腰裝大騷收身後的纖腰，她有份主演的《舞動全城》雖已播映大結局，但子珊謂劇集播出後賺了不少外快，現努力儲錢買樓，談到會否等未來老公送樓時，子珊即撒嬌說：「都嫁唔去！」
徐子珊和陳浩民昨日於旺角為纖體公司「纖形22」擔任跳舞比賽評判，身為代言人的徐子珊穿上露腰裝大騷纖腰，即場表演新一輯纖體廣告的舞步。
勤賺外快盼買樓
為了保持優美身段，徐子珊表示每日均會跳舞，她說：「拍劇都會跳㗎，咁人哋放食消夜，我就唔食，用呢個時間跳舞。」
徐子珊表示不少幕後的工作人員也受惠，她說：「佢哋見我瘦咁多，都叫我教佢哋，所以有時咪一齊跳吓。」徐子珊自言無綫劇集《舞動全城》播出後，令她賺到不少外快，她說：「實際上有幾多數字，我就真係唔知，不過我會儲起佢嚟買樓，可以同屋企人一齊住。」
浩民牛一搵阿佘
問徐子珊會否考慮嫁人，等老公送洋樓？她說：「都嫁唔去，冇人要，人哋見我咁忙，都唔會同你談情啦！」
此外，大會昨日送上生日蛋糕為陳浩民慶祝38歲生日，他表示前晚已與圈中好友慶祝，他表示前緋聞女友佘詩曼未有出席，問到對方可有致電恭賀時，陳浩民說：「佢未打，不過唔代表冇打，我哋本身都有聯絡，有時間我諗都會食餐飯。」陳浩民表示今年生日願望是希望找到新女朋友。
採訪、攝影：王崇穎
