花旗股市上個禮拜五造好，港股今朝應該可以食住上日升勢炒上，睇呢排嘅波動情況，今日港股最少升800點。
呢排大市升，股仔好多都唔升仲要跌，但上個禮拜五啲股仔郁番晒，只係成交唔多，啲炒二三線嘅股民輸得好傷，會唔會入番場炒真係唔知。
至於地鐵（066）逆市下跌，ISS建議基金客戶否決兩鐵合併，小股民唔知點算，俊樺嘅睇法係，無論合併係咪通過，地鐵短線都會跌番落嚟，如果23元守唔住，仲有可能下試20元。
中行C輪1790：中行（3988）上個禮拜五收4.38元，早排受負面消息困櫌，股價一路喺3.7至4.05元反覆，上個禮拜出現突破，成個勢都唔同晒，有機升上5元樓上，可以買啲C輪1790，隻輪現價54仙，槓桿8.1倍（有效5倍），對冲值0.6。
正股升上5元，1790應該喺98仙樓上，正股跌穿4.2元止蝕。