【本報訊】荃灣警區巡邏小隊警長，涉於在荃灣愉景新城商場的日本城店舖偷電話、光碟及脫毛器等價值逾千元物品，昨在荃灣裁判法院審訊。警長自辯稱「老婆現已跟佬走咗！」案發時他剛發現第二任妻子有婚外情，正鬧離婚，懷疑妻子是否有預謀想分家產，故精神大受困擾下犯案。
保安員指證逃走
47歲被告劉志強加入警隊25年，曾獲52次上級嘉許，6年前晉升為警長。今年6月9日，被告被捕後，向警署值日警官稱，「我同太太搞緊離婚，今朝食咗啲藥，頭先飲咗啲酒」。他又說「我想搵老婆，我唔知放咗乜嘢入背囊，出咗門口同老婆講電話，佢哋捉住我，我話畀次機會，畀番錢，但佢哋唔肯，亂起上嚟咪走囉！」
日本城保安員供稱，當日下午4時許，發現被告從貨架取貨品後，四處張望，又蹲低身將貨品放入背囊內，未有付款步出店外，在門口傾了兩分鐘電話離開。保安員趨前表露身份截查，被告兇神惡煞鬧「黐線」，並發足狂奔，終被一名休班偵緝警員截獲。案件今日續審。
案件編號：TWCC1916/07