曼聯今季個防線越打越好，除咗里奧費廸南有功勞外，分分鐘佢嘅中堅拍檔尼曼查維廸表現仲好。領隊費Sir都有眼睇嘅，於是計劃同尼曼查維廸續約加薪，由原本周薪30,000鎊（約47萬港元）加到45,000鎊，不過同里奧嘅10萬鎊比仲差一大截！難得尼曼查維廸話已經知足，仲一心替曼聯打江山㖭，呢啲球員喺邊度搵？