汽車導航系統自從發展到可以隨時接收Update資料後，用途及發展潛能都得以大大提升，家陣的導航系統已經唔單止能夠帶你去目的地，甚至會做埋導遊，推薦吃喝玩樂好去處。
記者：周達之
在日本，日產汽車最近同千葉縣的館山市及南房總市合作，令日產汽車的導航系統可以接收到當地政府部門，所提供的當地最新觀光情報，而且係有聲有畫，唔會淨係得文字咁單調，據日產汽車的負責人講，觀光資訊有唔少仲係當地人先至知道的地道情報，唔會好似一般觀光指南咁「流」。另一方面，豐田亦不甘示弱，同大分縣及熊本縣合作試驗計劃，同樣由當地提供觀光情報俾豐田汽車用戶。
不過，小記覺得呢個系統如果可以發展到提供中文講解，等香港遊客去到日本只要租架車，就可以有埋免費導遊帶我去周圍玩咁就最Perfect囉！