美劇《俏Betty》（UglyBetty）講述女主角Betty如何因為「老土兼核突」慘遭同事排斥，引發連串笑話。在香港亦不少女性被譏為「豬扒」，終日飽受歧視，喪失自信，有網民便決定整容重過新生。「俾人由細笑到大，我因為呢個問題唔開心咗好耐，仲諗過自殺，我諗整容係我唯一出路！」
網名「醜」的網民在網上公開她的整容宣言，觸發網民熱烈討論，不少人都勸她三思。
「樣係重要，但好多嘢比樣貌更重要！」不過，「醜」卻形容「針唔拮到肉唔知痛」，她成長過程中所受的歧視可能比《俏Betty》中的Betty更痛苦。
支持反對兩派爭拗三年
「小學時已經俾人笑，中學啲人見我當見鬼，食飯一個人食，又俾人揶揄係『校花』等等，令我個人好冇自信，唔會主動識朋友。出到嚟做嘢，啲人背後都拎我樣貌身材來做笑柄，現實就係咁，好多人都係以貌取人。我唔想再受呢啲一般人唔使受嘅歧視！」
網民「醜」的故事感動不少網民，有網民支持她的決定，認為整容不影響別人，大可自作主張，毋須顧慮太多。Net神發現「醜」的故事原來早在2004年前出現，支持整容和反對整容兩派網民爭拗至今已三年，今天究竟「醜」有沒有整容，已經無人關心，大家只是自說自話般高呼支持或反對。
其實，早在去年「醜」曾回覆網民說：「好驚訝仲有人回應這篇文章，我沒有整容，亦冇打算整容，一來心態唔同咗，二來怕有後遺症。呢兩年發生咗好多事，我見到好多人比我醜都係咁積極生活，我唔應該因為少少嘢就無病呻吟，一句講晒健康最緊要！」
《俏Betty》中Betty最後憑個人努力和善良個性贏得事業與愛情，Net神祝願「醜」會像Betty一樣有快樂人生。
http://community.she.com/messageboard/gossip/?action=view.topic&id=954321&page=1