徐子珊和高鈞賢前晚於奧海城出席「國慶舞動奧海城」活動，他們主演的電視劇《舞動全城》同樣在前晚播映大結局，二人未能收看，子珊表示：「雖然我哋冇得睇，但都可以以情侶檔出席活動。」她揚言對大結局收視甚有信心。
想唱主題曲
對於日前於澳門登台演出時走音，子珊直認：「當晚好緊張，因為係我第一次登台，所以有失準，平時唱唔係咁㗎，當晚連講嘢都震！自己經驗少，要多啲時間去適應，不過好彩個客滿意，希望下次唱好啲。自己都想多啲登台，同埋唱主題曲。」她稱近日很多演出都是歌舞劇形式，所以現正跟老師學唱歌，而前晚她跟高鈞賢合唱《好心分手》時，已回復水準。
此外，有份角逐台慶「飛躍進步男藝員」獎的高鈞賢稱自己現時五強不入，反而睇好黎諾懿，他說：「起碼佢拍過唔同類劇集，自己如果入到五強都好開心。」
採訪、攝影：駱華齡