本來事業如日中天嘅「搵鐘」，自從發生咗單轟動娛圈嘅車震事件後，事業即時直插谷底，連女朋友「李奇」都俾佢激走埋，不單止主持冇得做，連拍咗嘅劇都變倉底貨，令本來寸寸貢嘅佢變咗死狗咁。不過搵鐘就好命水啦，獲「大師」對佢不離不棄，近日仲畀佢去雪山度思過洗底。
百彈齋主睇樓
可能搵鐘見自己人氣反彈有望，佢又回復昔日紅過一排嘅囂張態度。佢本來喺「提子島」已買咗層樓自住，最近仲諗住買多層樓收租，咁啱佢搵正關仁個地產朋友帶佢睇樓，聽講話佢全程聲大大，好架勢咁款，又要求多多，當住啲業主彈人哋間屋，成個百彈齋主咁，但最弊佢又唔係出手闊綽嗰種大豪客呢！關仁個地產朋友雖然對佢極度不滿，但始終係客仔，都唔敢得罪，惟有同關仁呻吓啦。
Textby關仁
