藍鑽石因為愛隊AC米蘭唔爭氣，日日都俾蘋果波神嘲笑，但我都唔好得佢好多，呢排推日聯場場開對家，上個禮拜推介大阪飛腳同浦和紅鑽，結果兩場都香晒，搞到牽牛同賴恩輸到一頸血，仲俾佢哋詛咒，睇嚟我真係夠資格接吳彥祖支棒，做電燈膽嘅代言人。
雖則貼日聯衰到貼地，好彩貼英超都仲有啲水準，今晚曼聯主場對韋根，曼聯今屆做咗車路士翻版，幾乎場場都係贏1:0，但我唔信佢哋一路都係咁，所以今仗博佢哋翻一翻，贏3:0開個入球「大」。
入球大細：曼聯大
心得：曼聯係時候開「大」
近5場往績：贏贏輸輸贏
青蛙仔
睇德國波同埋英國波大，大個之後攻埋日本波，兼且對日本藝能界幾有研究。