身邊總係有啲散戶朋友，贏錢冇佢份，輸錢實有份，而且仲連點解輸都唔知。有股民網友mexes發現呢類散戶有六大壞習慣，大家睇吓有冇同感？
第一條：炒股目的唔夠實際。八成散戶都係發住「發達夢」入市，聽見隔籬張師奶話賺咗幾多，就盲舂舂跟。
第二條：市場訊息唔對稱。散戶收到所謂嘅內幕消息時，其實已經錯過入市時機。
第三條：缺乏基礎教育。大部份散戶連最簡單技術分析圖形都掌握唔到，揀股求其，做決定仲快過shopping買衫。
第四條：唔識睇準時機。房地產、金融、有色金屬、能源煤炭等行業嘅股份，每次調整都係入市時機，但散戶對經濟環境、升值中嘅行業冇感覺，錯過投資機會。
第五條：情緒化、貪心無知又心存僥倖。每個散戶都認為自己唔係最後接棒嗰個，僥倖心理會令散戶做毫無根據嘅判斷。
第六條：冇主見。有時傳媒或股評人唱好隻股就跟住買，股市係一個鱷魚潭，唔好隨便信人。
http://post.cnfol.com/thread/1177191.html