任達華、余文樂、連凱昨日在銅鑼灣出席CalvinKleinUnderwear的25週年活動,現場搭建巨形透明箱,由男女模特兒在內裏示範,三男齊齊好奇窺看。
「可以見得吓人」
現場放置了《血鑽》(BloodDiamond)的黑人男演員狄哲文(DjimonHounsou)的巨型內褲廣告,問余文樂可接受同類廣告?他說:「畀啲時間我操fit自己身材嘅話,我都唔抗拒,我成日着鬆身低腰褲,都差唔多啦,酬勞如果有七、八位數字,我梗係肯啦。」內褲廣告十分貼身,問他可滿意自己身形各方面?余文樂即時鬼馬地說:「size同shape都OK,可以見得吓人,係合理以上有交代囉。」問他怎看現時代言的黑人時,他即說:「咁亞洲人又唔可以同黑人比。」
任達華早前遭內地銀行職員在戶口盜用幾十萬,揭發出他擁有大量樓房,身家過億,任達華昨日馬上否認說:「邊有咁多呀?億萬嗰啲你地搵四叔(李兆基)啦!」又馬上指住自己的衫鈕話:「呢啲鈕就大把!其實所有投資就係我自己,我由零開始。」
採訪、攝影:RitaLeung