衞蘭、蔣雅文、應昌佑、及關智斌等昨日於鑽石山出席「全港小學生職安健小話劇比賽」，而幾位歌手更擔任表演嘉賓及評判。對於近日不少明星的Blog被入侵，甚至被上載色情照片，問衞蘭可會擔心時，她說：「真係有咁嘅事？不過呢排我好少寫，因為好忙，根本就冇時間，我都好想再寫番，因為有好多fans投訴，佢哋真係好想睇，至於擔唔擔心，真係發生嘅話都控制唔到。」
關智斌：好惡心
而身為受害者之一的關智斌對於自己的Blog被登色情照感到十分氣憤，他說：「真係好變態，除咗fans，我屋企人都會睇，就連我爺爺嫲嫲都會睇，真係嚇親佢哋，我覺得要自律少少同尊重人哋，真係好惡心。如果真係搵到係邊個人做，我一定會起訴佢。」應昌佑稱也有寫Blog的習慣，幸好未有身受其害。
採訪：王崇穎
攝影：陳順禎