一向敢言的袁彌明，據悉因在專欄中揶揄崔建邦而被飛出《東張西望》主持行列，為了不想死得不明不白、一直坐冷板凳，袁彌明遂去信藝員部主動約見高層了解溝通，果然敢作敢為。
電影《珍奧斯汀少女日記》前晚在AMC金鐘太古廣場舉行首映禮，出席者包括袁彌明、貝安琪、2R、葉童及陳國熹等等。袁彌明抵達時，有三數名猶如電車男的fans在場找她簽名，而穿上吊帶低胸裝的2R成員Rosanne，發現被人從高角度欲拍下她走光照後，即醒覺地把衣服扯高。
早前袁彌明據悉因在專欄中揶揄無綫總經理陳志雲愛將崔建邦而被飛出《東張西望》主持行列，未知袁彌明可接獲復工消息？她說：「未有通知，我send咗封信畀藝員部，聯絡下個星期傾偈，傾番件事。」
「米飯班主應該教我」
問跟那一位高層會面時，袁彌明說：「藝員部嘅人，唔係樂小姐（樂易玲，無綫製作資源部副總監）就係佩華姐（陳佩華，無綫藝員部發展科經理）。」問日後說話時會否格外小心？她說：「我自己都唔知係文章上定言論嘅問題，唔想太多揣測，最重要係同公司溝通，雖然公司冇安排我做《東張西望》，但其他試鏡同商場騷都有幫我接，我希望盡快搵到答案，公司作為經理人，係我米飯班主，應該教我，或者文章畀佢哋睇咗先，盡量唔得罪人、唔影響人、唔傷害人就冇問題，我對事唔對人，睇吓人哋會唔會對號入座。」
官恩娜唔驚戴臍環
此外，官恩娜前晚穿露腰裝及戴上臍環出現，難道她不擔心早前外國一名女子臍環穿胃意外？官恩娜笑說：「唔驚，意外係意料之外，呢個臍環自己戴咗十幾年，好安全，呢個唔係彎嗰隻，戴落冇問題。」對於經理人公司高層變動，官恩娜表示已跟新高層見面溝通，其他有待公司稍後公佈。
採訪、攝影：王連連
