樂基兒、陳嘉容和LisaS.前晚在置地廣場為HarveyNichols行騷，前來欣賞者包括馬詩慧、王賢誌和鈴木仁等等。問鈴木仁最近是否少蒲蘭桂坊，他說：「呢排冇去，最近都好忙，嚟緊接咗好多騷，所以都會好忙。」問到樂基兒男友黎明是否打本給她做生意，她說：「之前有人問我會唔會做生意，我話將來唔做model嘅話會考慮，點知出到嚟完全唔同。」
王賢誌懶理台慶
此外，前晚是無綫台慶亮燈，王賢誌對此說：「完全唔記得，對我嚟講好遙遠，我離開咗TVB幾個月，就算我喺度都一定唔會有份。我冇料爆，之前講得太多。」王賢誌表示現時除為有線主持節目外，稍後還將會以自由身身份為亞視工作。
採訪：魯萍
攝影：陳俊強