執筆之時，畢傑仍然沐浴喺5日度假之中，誓估唔到一向好囂好寸嘅我，今周竟然做咗「燈神」，但我就寧願做《金榜題名》入面嗰個「神燈」（任達華飾），起碼都有型啲，呢套港產片唔係爛片，大家有興趣不妨買番嚟睇吓。
係咪燈神我真係冇所謂，因為畢傑永遠都有一個天字第1號「粉絲」──肥仔支持，塵世間最冧莫過於此。呢幾日假同媽子飲茶，又同肥仔去食好嘢，去咗成日幫襯嘅「出去後面」嘅靚扒外國餐廳嘆吓。點知肥仔佢竟然「霸扒」（即係明明食唔晒都要切定落自己碟），笑到我吖！
呢個禮拜歐聯一日正常一日勁爆，搞到鍾意玩開臨場嘅我都唔知點入手好，不過咁諗，歐聯爆成咁，聯賽應該正常番，所以我信利記會踩多熱刺一腳！
主客和：利物浦勝
心得：紅軍1分都唔收貨
近5場往績：輸輸贏輸贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。