作為球迷會會員，相信大家對足球的熱情，絕不限於純粹觀看球賽；若有機會親身競技，自必也興趣盎然吧！有見及此，本會已於上月29日，在跑馬地舉行了首次的11人真草場足球活動，反應非常熱烈。
本月27日再切磋
由於場地所限，只能接納30名參賽者，但不論大人細路，人人都充滿鬥志，拼足90分鐘，既能切磋球技，亦能互相加深認識。適逢當日車路士有比賽，大家更相約吃飯，暢談波經，又到主場吧觀看比賽，一次過滿足了3個願望，人人盡興而歸！
相信不少錯過了是次活動的朋友，也渴望參與其中吧！本會決定於10月27日，在同一地點再比試，請密切留意球迷會網站吧！
9月之星：施治
雖然我哋嘅幹事會秘書小姐Maggie話揀唔落手，但大多數「車」迷喺網站討論區，都投咗施治一票。球迷Man~~細孖話：「唔係佢，輸多好多球啦~」副主席Anson都話：「唔係有佢，對富咸輸埋㖭！」施治，你係得嘅！