兩太大戰劇情峯迴路轉，情節本來大仁大義，最新發展竟然滲入恩怨情仇！葉劉噚日接受港台節目《清談一點鐘》訪問，主持人問佢，官場盛傳陳太曾經阻撓葉劉坐正做D8級官員，兩人早有牙齒印云云。
葉劉話當年升職見board，陳太見過佢，但卻唔批佢升正，就算做到保安局局長都係署任D8，後來得老董賞識，葉劉終於坐正。佢噚日話當時陳太有兩大理由唔畀佢坐正，一個係認為佢有野心，另一個係指佢講保安局前局長黎慶寧壞話。葉劉話做政務官梗係有野心，個個都想升官，至於第二個理由，佢冇公開解釋。陳太對此不作回應。未正面交鋒已咁精采，真係好戲在後頭。