3歲真係定80，自細小弟性格嫉惡如仇，鋤強扶弱，一旦看見強者恃勢欺人就義憤填胸，睇電影、卡通、電視同小說永遠唔鍾意主角，最buy「二奶命」嘅角色，所以觀點往往「非主流」，同親戚朋友家人「包拗頸」已習以為常。
也許環境影響，青少年期間迷上帶有反社會意識嘅rock同pop-rock，蔑視恃靚行「兇」之輩，故此07年來得特別興奮，一堆歌手排隊嚟香港開concert，睇過AvrilLavigne，高潮位係全場大嗌「A-v-r-i-l」，high到震之餘，亦感慨近年睇土炮show好難碰到如此景象！𠵱家叠埋心水等睇「變形」後嘅LinkinPark，心情靚靚，希望幫到捧場客贏錢，度咗好耐，終於揀咗禮拜日作客拖連奴嘅「非主流」隊伍森多利亞，受讓之下，必有勇夫，信者得救！
讓球：森多利亞（下）
心得：森多受讓，唔使心多！
近5場往績：輸輸贏輸贏
阿呢斯奧
麻甩瘋漢，堅持踎低可以噴米粉；深信唔賭唔知時辰到，唔睇唔知邊隊好。