韓國京畿道軍浦市噚日舉行咗「第14屆大韓民國演藝藝術獎」，歌手IVY、安七炫同女子組合天上智喜同少女時代都有出席兼上台領取獎項。身穿綠色性感晚裝嘅IVY，喺貌似謝賢嘅韓國頒獎嘉賓手中奪取最佳跳舞歌手獎，而安七炫當日就奪得藝術發展功勞獎。海外人氣獎得主BoA同東方神起雖然無暇出席，但佢哋嘅師弟SuperJunior就奪得最佳跳舞男歌手，仲擔任埋表演嘉賓㖭。