近日天氣不穩定，很多打工仔都要留在辦公室內午膳，網民「hoyinzoe」一向帶飯返工不假外求，怎知卻被兩位比他高級的同事「老點」買外賣。「個同事見我食飽咗，走過嚟叫我落街買兩個外賣飯盒返嚟，冇錯，係叫我，唔係問我肯唔肯。我猶豫咗一吓，好唔好幫佢買？」
他說在考慮期間，幸好一位外出用膳的同事致電回公司，才令他避過慘成外賣仔一劫。「我即刻伏在桌上面扮瞓。」hoyinzoe表示，如果是正常工作分配會樂意接受，但買飯盒超越了工作範圍，令她恍如同事的私人助理，有被「搵笨」感覺。雖說助人為快樂之本，這種涉嫌搵人笨的做法，Net神也十分反感。
網民「忘記」支持她拒絕做外賣仔，「佢哋都白癡，明知食飯時間人多，就梗係早啲打電話落去叫定外賣先啦！」網民「8880348」亦支持hoyinzoe抗命，「試過有同事叫我買六合彩，我就直截了當話我係唔會幫人買六合彩。」
http://www14.discuss.com.hk/viewthread.php?tid=5449700&extra=page%3D1&page=1