05/10/2007.....
天晴
最新動態
歐聯走勢碰巧與香港股市走勢同出一轍，整個「倒V」，害得一眾波股友心驚膽顫，其實波股條數唔係日日清，學四叔噚晚話齋，買乜投資組合都要睇長遠啲！不過計我話，要睇吓你識跟邊位專家嘅貼士。
前兩日講過唔會畀擦鞋仔貼士利記串不來熱爆W，結果兩強真係雙雙倒灶，傷盡波友對嗰位節目主持人嘅「愛戴」。自己畀A米單W同樣出事，落咗注先知踢雨戰，意大利佬點夠體力化足球嘅蘇超兵砌呀，最終連半個盤都冇埋，原來個天亦都唔鍾意我！同場加映門將廸達表演突然暈倒「拙」技，輸到笑住返房瞓。
成晚將個搖控㩒嚟㩒去，好似白天㩒股票機咁，但每次睇到利記場波，都搖頭嘆息。學Rosa喺利市訪問嗰位伯伯講，隊波𠵱家唔好睇，冇以往嘅神采；成績係重要，但一個咁悶嘅城市，賓帥你知唔知球迷要啲乜呀！
股市大起大落，危先有機，唔係點吸納優質股，我都想買388呀！
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報