喺英國，賭波公司如雨後春筍，其中威廉希爾同立博可以話係「大哥級」；不過，佢哋嘅客路就好唔同，喺威廉希爾針對中產嘅同時，立博就向低下階層埋手，好似佢哋最新嘅電視廣告，就搵嚟名宿胡禮、廸臣、基斯卡馬拉同埋麥哥斯，扮礦工同埋廚師等工人階級，喺間地踎餐廳發表賭波偉論，都咪話唔鬼馬。