房祖名和李心潔合作主演的新片《戰．鼓》即將上映，劇情講述祖名因得罪有勢力人士而潛逃到台灣，其間加入一個鼓樂團，與李心潔成為好友。導演畢國智為祖名安排了一場擊鼓重頭戲，為了令角色更維肖維妙，祖名不惜應導演要求剃頭演出，不過事先仍要問准媽咪林鳳嬌。
剃足5粒鐘
雖獲林鳳嬌准許，但祖名初時對剃頭仍有猶豫，他說：「之前拍戲我要將一把長頭髮剪咗，都已經好心痛，雖然試過skinhead造型，不過我怕頭形唔夠靚，咁個光頭look就會好肉酸，所以我叫個髮型師逐少逐少幫我剃髮，最後足足剃咗5個鐘。」
李心潔大讚剃了頭的祖名外形討好，她說：「我覺得祖名好似一個長唔大嘅男仔，其中有場對手戲係我要用籐條打佢，佢仲扮唔痛嘅樣，嘻皮笑臉。不過，睇到佢剃光咗個頭，又發覺佢個樣成熟咗。」
撰文：葉雪