鄭融（Stephanie）最近轉投新唱片公司，其第五隻大碟《SuperGirl》更於上月面世，對於每年轉一間新唱片公司，Stephanie覺得有很多人都誤以為她與工作人員合作不來，事實上她是因為經理人公司的決定才不停轉會，她更計劃下一隻大碟由設計到選歌都可以落手落腳參與，看來隨時準備一腳踢包辦全張唱片。
鄭融早前又再次轉會，她表示外間有很多人都誤解是因為她為人難相處，之前都曾經試過傳出她與唱片公司人員合作不愉快，她解釋這一切都是經理人公司的決定，她說：「我都知出邊好多人都以為我同間間唱片公司夾唔嚟，事實上係因為經理人公司幫我搵唱片公司主要係做發行同宣傳，其實我同每間唱片公司都合作得好開心。」
不擔心唱片銷量
對於經常轉會，Stephanie指不擔心影響新碟銷量，她覺得每個工作人員都很落力為她工作，她說：「我去到邊一間公司都好，所有宣傳人員都係好用心幫我做嘢，我真係好多謝佢哋。」
Stephanie於第五隻大碟《SuperGirl》當中負責監製了兩首歌，她希望於下隻大碟可以參與更多，更想親自設計封面及形象，她說：「我對扮靚同設計呢方面都好有興趣，所以下隻碟我都想落手落腳試吓做，同埋揀歌方面我都比以前參與多咗。」
做自己懶理是非
對於早前被拍到與緋聞男友劉浩龍結伴睇騷，完騷後Stephanie更於男友的車上煲煙，對此她認為假如換上是普通人，這只不過是一件普通事，她說：「個報道出咗之後老闆都有同我傾過，佢冇責怪我，只係教我做任何事都要向前望，佢份人好樂觀，佢話做得娛樂圈就會有花邊新聞，重叫我唔好俾呢啲新聞影響到自己，所以我唔會理，當然我唔會再咁做啦。」
採訪：李珮洳
攝影：仇志德
化妝：vinctsangofiface
髮型：TavinLiuofHairCulture
場地提供：California
