徐子珊和高鈞賢在劇集《舞動全城》中舞出愛火花，雖然二人連聲否認戲假情真，但他們無論在戲內戲外，均予人十分相襯的感覺，而且默契十足，更不怕傳緋聞，以情侶檔姿態接job搵真銀。高鈞賢更自爆徐子珊外貌像他的初戀女友，令他感到份外親切，而徐子珊則暱稱男方為BB，戀情疑幻似真。
無綫劇集《舞動全城》帶動拉丁舞熱潮，藝員拍攝時也花盡心機練習舞步，在劇中飾演舞蹈老師的高鈞賢與徐子珊扮演情侶，雖然二人年紀似姐弟戀，但仍大受觀眾支持。
4歲習舞展所長
徐子珊自4歲便開始學習芭蕾舞及hiphopjazz，在劇中飾演女強人的她，偶爾才有機會發揮精湛舞藝，對此徐子珊自言並不感到可惜，她說：「比起其他藝員我已經舒服好多，佢哋唔瞓都要排舞，雖然我都好鍾意跳舞，但我鍾意舞台感覺，好似歌舞劇表演，成件事好華麗，希望第日可以接到有歌舞成份嘅工作。」
專訪當日，徐子珊和高鈞賢擺甫士拍照時自然投入，儼如真情侶般默契十足，高鈞賢更自爆說：「其實徐子珊好似我初戀女友，有次我媽咪見到我哋都差啲認錯，不過我哋兩個襯都係好事，因為傳得太多，反而唔會避忌。」
「我鍾意高大靚仔」
至於徐子珊則稱呼較她年輕5年的高鈞賢為「BB」，她說：「曾經都擔心出嚟效果唔襯，後來都OK，當然現實世界我都鍾意高大靚仔，但佢太細路仔，唔係我鍾意嗰類型。」
葉翠翠在劇中飾演高鈞賢前妻，徐子珊自然爭風呷醋，高鈞賢為了讓自己更入戲，有一次竟然向着葉翠翠說：「我唔鍾意你。」令葉翠翠大感愕然，雖然高鈞賢努力投入愛徐子珊，可惜他們在劇中還是分手收場。
採訪：卓寶花
高鈞賢服裝提供：Dusty
高鈞賢髮型：PatrickChanofHair
