adidas×Gil　運動雙嬌

時裝運動化，運動時裝化。然後是運動明星出現在娛樂版，娛樂明星出現在運動品牌！昨天Puma才剛找來陳法拉示範，同時間adidas找來阿Gil鍾欣桐，成為第一個擔任adidas廣告主角的藝人，這令我想起去年世界盃的電視廣告，來緊的奧運TVC，唔知會唔會有施丹×鍾欣桐呢？

今次主題是"SportisFun"，鍾欣桐化身成兩個嬌，一個嬌愛運動玩Yoga，另一個嬌穿着絲絨Lifestyle系列，潮得多！

文：陳穎欣　
攝影：周旭文

adidas？我細細個已經聽過呢個名！

蘋：成為首個香港區廣告主角有咩感覺？

嬌：好榮幸。自己一直都有買adidas嘅產品，覺得好靚。尤其有留意，係佢經常同各大品牌嘅Crossover用品，例如StellaMcCartney同Y-3等等。

蘋：你擁有嘅第一件adidas產品係咩？

嬌：應該係小學時候嘅一對波鞋。以前細個好鍾意行旺角波鞋街，仲會特登儲埋啲零用錢嚟買波鞋。

蘋：今次出品嘅兩條Lines，有Yoga同Lifestyle，你自己較喜歡邊一面？

嬌：其實兩條Lines都鍾意，因為佢哋可以喺唔同場合着，功能亦有所不同。

蘋：有乜配襯貼士畀大家？

嬌：我喜歡較簡單打扮，其實最基本一件運動外套襯牛仔褲已經好有型。至於咩牛仔褲就要就本身身形而定啦。

阿嬌果然係adi迷

個個代言都話自己不嬲係X牌Fans，霆鋒代言了可樂好幾年，可以突然轉去飲百事，講到尾都係錢作怪。由02年起翻查阿嬌舊照，發現當中只有一兩張佢係着剔牌，其餘着過Bape，但最多始終係adidas，佢話adidas好靚，自己一直有留意同幫襯，可信！

■02年肉酸照，扮泰后，同阿Sa一齊着普通版三間，講真好街坊團遊泰國Feel。

■一跳跳去06年，成個型晒，着低腰褲襯OldSchooladidas。

■都係06年，年幾前應該未同adidas眉來眼去，今次都係着adidasSuperstar。

■07年6月，《出水芙蓉》記者會，人人想睇佢着泳衣，佢係都要笠番件adidasTrackSuit！

「影廣告相，跳足４粒鐘」

蘋：拍攝這平面廣告似乎好有難度，拍攝過程辛苦嘛？

嬌：雖然自己平日都會做Yoga同跳舞，但都拍攝得頗辛苦，拗腰拗咗成兩個鐘，拗到腰痠背痛。我以前有玩跨欄，拍攝時令我諗起以前練習，今次仲拍足4、5個鐘，又要顧住表情，又經常會被手遮面，所以來回跳咗成百幾次先得到理想效果。

蘋：你覺得點為之"SportsisFun"？

嬌：我認為首先要清楚自己喜歡嘅運動，例如你叫我去打籃球就一定唔得，有興趣自然就會喺日常生活中去做多啲運動。

Gil自選HotPick

1.Attitudesatin螢光綠夾棉外套$550

2.Yoga粉紅黑雙層長袖上衣$230

3.Gym粉紅色外衣$250

4.Attitude紫色短身上衣$320

5.Attitude青綠色絲絨外套$390

Lifestyle玩Style

adidas找來阿Gil，力谷兩大系列。當中以Lifestyle較Fashionable，包括大玩絲絨同色丁夾棉，要你型要你舒服，上面全部印有adidas漸變色圖案；Yoga系列則用上著名ClimaCool散熱系統，較重功能，包括瑜伽/健身背心、上衣、T恤、外衣及長褲，多以粉紅/粉藍色為主調，設計相當Feminine，專攻女性市場，技術上採用ClimaCool技術，着重散熱透氣，為運動下的人體高度降溫。