【本報訊】經濟暢旺，打工仔搵工跳槽機會大增，多個行業都指加薪2.5%根本留不住人才，有會計師行負責人表示，如果明年僱員肯接受加薪10%，僱主會立刻應承。
黃林梁郭會計師事務所首席執業董事黃龍德表示，公司本來有約100名員工，但現在只有約70、80人，流失達兩成，「今年公司加咗25%人工，但同事一樣走。」他指出，經濟向好，內地公司來港上市，大公司也爭聘會計人才，本港會計師由於兼具國際視野，所以成為被搶奪對象，人手極短缺。他認為若只加2.5%薪金，是不可行，估計明年要再加超過10%，「如果加10%（下屬）肯接受，我即囗飯應。」
羅兵咸永道香港稅務合夥人王銳強也說，會計界今年營運相當理想，有能力與員工分享收益，「（加薪水平）好睇個市，唔係僱主聯合會點睇」。
東瀛遊今年三發花紅
東瀛遊今年按員工表現加薪，最高的加逾10%，今年已發放三次花紅，每次由相等於一周至一個月的薪金。該公司執行董事禤國全表示，明年會繼續依員工表現加薪，表現優異的員工，薪金加幅必高於2.5%，兼繼續獲發花紅。
打工仔談加薪
10%至夠
莊小姐（旅遊業）：「加2.5%人工梗係唔夠啦！計埋通脹即係冇加過，應該加10%至夠。」
5%就合理
范小姐（出入口業）：「子女教育費、租金、食物、交通費樣樣加，如果加2.5%人工點應付加價潮，加5%就合理啲。」
要4%至5%
梁先生（資訊科技業）：「今年我只係加約2%人工，近期車費、食物都話加價，出年加4%至5%先抵銷到加價幅度。」
