當世界都走進數碼化的年代，就連電視台都要與時並進，以高清攝影機拍攝劇集，將一切巨細無遺呈現觀眾眼前。作為觀眾的凌零發當然對此滿懷期待，不過就難為一眾藝人再不能以厚粉批盪上鏡，令臉上瑕疵全都表露無遺，有網友就在網上發起「高清電視推出後，邊個藝人最苦惱」的討論。
皮膚差實走唔甩
以往藝人上鏡就算以超厚粉示人，電視機前的觀眾都未必知道，但高清拍攝卻會令畫面精細得連頭髮線條都顯而易見，皮膚差的藝人絕對走唔甩。
一向皮膚質素偏差的崔建邦就被認為是最為苦惱的藝人，連其恩人陳志雲也不能倖免，而一向公認厚粉的黎姿也首當其衝，至於面上甚多粒粒的鍾嘉欣也在被推選之列。網友elsielc相當同情他們，表示：「佢哋有啲一日幾組戲，休息唔夠自然皮膚都唔會好，但係又被迫日日要化妝。」
整容藝人怕現疤
其他榜上有名的還包括汪明荃、李司棋、馬國明、郭羨妮及鄭裕玲等，有網友表示整容的藝人應該最驚，因為隨時會被發現微細手術疤痕，但凌零發最認同的則是網友tvjuice的意見：「比起藝人，化妝阿姐同打燈師傅似乎會更頭痛喎！」
只可略施脂粉，但又要遮蓋一切瑕疵，實在難過登天，原來高清拍攝對觀眾的眼睛來說都未必是件好事。
香港討論區
網址： http://www3.discuss.com.hk/viewthread.php?tid=5450045&extra=page%3D1&page=1
版主：凌零發
《蘋果》娛樂版設立讀者來料專欄，歡迎大家提供有關藝人的相片、video及有趣網料。請附姓名、電話及電郵地址，電郵到：[email protected]，網料一經採用，酬勞由$100起。
