agn囗sb朱古力店販賣品味

由衣履到餐廳再到朱古力──agn囗sb，品牌已不再純粹，貫徹的卻是一份生活品味。方才開業的agn囗sbD囗LICES朱古力專賣店，率先在apm打頭陣，並將陸續於銅鑼灣百德新街、尖沙嘴Gateway附近開店，行開掃衫褲，不妨去埋對面的朱古力店品嚐手製朱古力的溫度及口感。

記者：郭佩韻　
攝影：林栢鈞　
模特兒：Wiyona

香港師傅Handmade

整間朱古力店的佈置概念，滿溢優雅懷舊的法國風味，掛有由Agn囗s親自操刀的意國相片，且裝有大型水晶吊燈襯托，好一派品味！凡女士皆喜歡的，除了衣服，朱古力亦是重要一員，那便莫說她精神分裂了。與一般名牌朱古力店不同，agn囗sbD囗LICES在港設工場由師傅親手製作朱古力，店內主力出售20多款夾心朱古力，有榛子、酒心朱古力等普通款式，亦有荔枝、檸檬薑黑朱古力等創新味道，試過荔枝味，感覺似一粒荔枝混合朱古力一起吃，敢於接受新嘗試的必要一食。

■裝潢以古色古香的木製，加埋Agn囗s的攝影作品，洋溢舊式法國情調。

以孫仔命名

20款朱古力的命名裏，Agn囗s都特別挑選，一款名為「Jean」是Agn囗s孫仔的名字，且印於朱古力上的圖案，各有不同，部份呈現agn囗sb幻變中的Logo。另有8款外脆內軟傳統法式手製松露Truffle，包括有橙、開心果及白蘭地味等，雖然個樣不太討好，但由師傅用手搓製出來，別具心思！

■店內充滿濃郁的朱古力味，朱古力味香薰蠟燭亦應記一功，有3吋、4吋及6吋。（$95-$150）

■夾心朱古力共有20多款，一盒連Packing，28粒裝$450。

■Truffle松露朱古力一共有8款，盒裝2款味$298、4款味$650。

■除朱古力外，還有專書（$190-$600），買本書返屋企學整朱古力。

agn囗sbD囗LICES（31481318）　
觀塘apmC3舖