無綫新劇《通天幹探》昨日舉行宣傳活動，近日有報道指無綫高層分黨派，藝員們自然亦要深明埋堆的道理，黎姿昨日笑言自己屬「六派」，而陳豪就表示自己是「TVB派」，陳豪提到緋聞女友廖碧兒早前遭外籍男士在跳舞期間胸襲一事，他直指：「個個男人都鹹濕。」
黎姿、陳豪、蒙嘉慧、元彪及鄭嘉穎等昨日在奧海城為下周一播出的台慶劇《通天幹探》宣傳，現場更播出劇中片段及製作花絮，片段中可見黎姿的醜女造型，而陳豪在劇中扮演卧底男妓，有一幕更講述他抱着王俊棠的腳來舔，黎姿昨日更即場抱着陳豪的腳來揶揄對方一番，場面有趣。
前日生日的黎姿表示沒有特別慶祝，不過就收到手上由好友贈送的手鈪。提到其弟目前的情況時，她說：「佢仲有兩個手術要做，我對佢有信心，佢𠵱家可以食雞肉糊仔同埋蘋果乳酪。」
睇好司棋姐奪視后
近日有報道指無綫高層分黨派，計有陳志雲和樂易玲的派系，又指無綫安排播出《通天幹探》力谷陳豪做視帝，黎姿就笑言自己係「六派」，她說：「我『六派』（指六叔、六嬸）㗎，公司安排我做任何嘢，邊個講嘅我都會聽。至於話谷陳豪做視帝都好合理，論年資同實力都值得畀佢，視后就睇好司棋姐攞。」
至於陳豪就表示自己是「TVB派」，被問到其緋聞女友廖碧兒早前遭外籍男士在跳舞期間胸襲一事，陳豪就表示相信對方並非刻意，他說：「唔係咁大件事，尤其係外國人，我唔係話外國人就唔鹹濕，個個男人都鹹濕，不過對方跳舞應該唔會抱呢啲思想，不過我都只係睇過相，冇上網睇過。」
採訪：卓美娟
攝影：葉君海
