4/10/07.....
天陰
最新動態
我好鍾意睇NBA，再聽吓本報兩大籃球癡深籃同仙道彬兄，平時講吓波經同美國文化，獲益良多；新一季10月尾又開鑼，𠵱家擔心緊英超加NBA，呢個英美日夜癲倒睇波大混戰，唔知自己頂得幾耐。
其實我最羨慕係班NBA球星去到戰力黃金期，仲可以博到球會畀張fatcontract（即攞到張荷包同身形都越嚟越肥嘅巨額長期合約），打到收山已人到中年，肚腩大過金正日又如何，穩執十億八億港紙幾爽！
世界上靠足球搵食嘅人多，唔夠NBA球員咁吃香；好似阿仙奴領隊雲格咁，隊中滿30歲嘅球員都想踢走，佢連天王巨星級嘅伯金當年續約都要逐年計，你話幾殘酷。最新清洗對象相信係近期已失正選位同隊長臂章、禮拜日對新特蘭會度過31歲生日嘅基拔圖施華；季前已傳佢過專收老人兵嘅意甲，你話堂堂巴西國家隊隊長幾無奈。雲格話𠵱家班生牯仔厲害在對爭勝有極度渴求，唔通年過30嘅男人就冇？我唔信。
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報