巴塞隆拿新星美斯正式躋身一級球星行列，話說球會已經為佢請咗私人保鑣，從呢輪歐聯對史特加開始貼身保護美斯。巴塞之前得亨利、伊度奧同朗拿甸奴有呢個待遇，可見今季孭起球隊進攻重任嘅美斯幾得高層重視。咁又係嘅，美斯係今年各大足球先生頒獎典禮嘅大熱門，到時實好多球迷圍住，萬一發生意外點算呀？