悶悶哋，又好想飛，近近哋去台北都唔錯。呢輪台灣觀光協會都好積極，又展開促銷活動嘅台灣美妙節。
協會主任王春寶話，嚟緊周六、日會喺藍田啓田商場舉行台灣旅遊展，多間旅行社即場提供台灣遊勁減優惠外，仲有台灣小朋友好鍾意嘅彩繪豬豬牛牛比賽，同埋民族舞表演。有四間航空公司各提供一張台北來回機票即場抽獎㖭。佢又話，觀光協會送出蔡依林嘅「J特務慶功演唱會」，及「一支獨Show羅志祥演唱會」入場券各約150張畀自由行旅客。有興趣嘅朋友可憑來回台灣機票同入台證，親身到德輔道中173號南豐大廈904室台灣觀光協會換門券一張，先到先得，送完即止。J特務慶功演唱會本月21日晚上7點喺台北淡水漁人碼頭舉行，羅志祥演唱會下月18日7點半喺台北小巨蛋舉行。查詢電話：25810933。
逢周一至周四刊出