秋風起，又到BBQ時節，網民「極地雪犬」表示，平日BBQ燒雞翼、豬扒已經食到悶，建議大家不如一反傳統，提供各式可燒烤的古怪食品。「我同朋友就會燒奶油多，只係將方包搽牛油再烤一分鐘，然後加煉奶就食得。」他還會「煨菜包」，將金菇、椰菜、青椒、洋葱再加牛油、蒜、鹽用錫紙包起放在爐邊。
「鱔片呀！叉住嚟燒，再加蜜糖，好正㗎！」網民「BOBO_KY」還會燒大眼雞，以錫紙包住煨熟。Net神發覺原來不少網民都相當富貴，喜歡以海鮮作燒烤材料，網民「wstam1」就會燒鮑魚，「我有次同朋友燒嘢食，佢哋買咗鮑魚仔同蜆，放喺鐵網上面燒，好好味。」「紗織」則選擇燒扇貝：「我上次燒嘢食，佢哋買咗大蝦同扇貝嚟燒，一流呀！」
鹽焗蝦蟹好味
講到海鮮，又怎可缺「蝦兵蟹將」，「白水」說：「好多人燒蝦蟹，不過我就係喜歡用鹽焗，因為蝦蟹硬殼保護，所以唔會搞到入晒味變鹹蝦鹹蟹。」還有港人嗜吃的生蠔，網民「Artu」說：「我會燒生蠔同和牛。」
http://www14.discuss.com.hk/viewthread.php?tid=5370774&extra=page%3D1&page=1
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。一經採用可獲酬100元
請附姓名、電話及電郵地址，電郵到：[email protected]