深居簡出嘅白雪仙（右一）前晚難得出街，約咗老友陳寶珠（左一）同黎明經理人陳善之，一齊去銅鑼灣嘅春秋火鍋打邊爐，當時仙姐蹺實陳善之臂彎先到場，冇耐寶珠姐都趕到，三個人烚足兩個鐘，步離食肆時遇上記者，寶珠姐即刻拖住陳善之做先鋒擋駕，尾隨嘅仙姐就氣定神閒，嚟個飯後散步，慢慢行番跑馬地嘅屋企，路程都要成15分鐘㗎。