日前揸車撞傷10歲男童占美嘅利物浦隊長謝拉特，周二去醫院探病贏得占媽媽盛讚，究竟佢點博得對方原諒呢？原來占美仔係曼聯球迷，最鍾意射手朗尼；謝拉特知道後，即刻問朗尼要對簽名波砵，兼取得幾張曼聯主場波飛，再搭埋自己件波衫送畀占美仔；對方見到朗尼對砵笑住攬到實，阿媽見個仔笑咪冇詐型囉！