日前班亞弗力（BenAffleck）接受雜誌《Details》訪問宣傳執導新戲《GoneBabyGone》，大呻自己當年同珍妮花洛庇絲（JenniferLopez）拍拖太高調，加上狗仔隊日日老作佢哋嘅新聞，最後俾籮霸累到自己人氣大跌。訪問出街之後，班仔俾網友狂插，鬧佢自己唔掂賴地硬，勁乞人憎。
？：點解佢提都唔提𠵱家個老婆？
Jamie：珍妮花冇累佢，問題係出於阿班自己不濟嘅演技。
5falopian：你係史上最差演員，早就唔應該紅。
blah：當初冇人迫你搭上JLo，係你自己參演佢個垃圾MV，而你哋合演齣戲仲衰。你由始至終都咁自以為是，最慘係已經冇人care。
jess：每次佢開口講嘢我就越嚟越唔鍾意佢。
ReportAbuse20Cheerios：因為呢番說話，我以後都唔會畀錢入戲院睇呢隻馬騮。但傳媒吹噓佢哋關係，就係真嘅。
32ughh：你真係白癡，你拍嘅戲係你自己揀，係你自己企喺鏡頭面前自暴其短。呢條友完全唔負責任，頂佢唔順。
其實件緋聞都過咗咁耐，班仔𠵱家拎返出嚟賴真係好冇風度，咁宣傳法佢齣新戲睇嚟都仆直。