秋風起，吹到小妹嘅幼嫩肌膚扯到掹掹緊，仲俾男友話我塊臉「嚡」。最憎啲男人淨係識彈，又唔見佢哋送啲護膚品畀女友。嬲嬲哋打電話畀荷里活廣場嘅公關姊妹Vicky傾偈，佢話商場啱啱喺國慶假期做完咗個水凝展銷會，反應幾好，唔少港人同內地同胞都幫襯。
Vicky話，雖然展銷會完咗，場內多間化妝用品店會繼續推出購物優惠，好似喺PrettyHouse買「旦之美」護膚或健康產品可獲八折優惠；喺Nature's可以半價購買柔滑呵護潤手霜一支。內地旅客在場內購物可免費換領美甲修護潤手霜一支。
吓！港人冇嘢送，厚此薄彼喎？Vicky話稍安勿躁，商場已預咗20份「美甲修護潤手霜」套裝送畀消費Blog嘅粉絲，只要寫上姓名、聯絡電話及「索取蘋果消費Blog讀者禮物」字樣，電郵至[email protected]，先到先得，查詢電話：21188811。
逢周一至周四刊出