我求大俠上個禮拜先講完，邊隊一旦上咗瑞超榜首，都必定破唔到贏波魔咒跌番幾位。周一哥登堡就威喇，佢哋喺主場大炒哈馬比3:0，𠵱家憑得失球差較佳壓過佐加頓斯位列榜首，贏波兼破埋「榜首不勝魔咒」。睇番瑞超近期幾支爭標隊伍都輪流坐過1哥位，家陣得番3輪賽事，基本上前7名仲有權捧走冠軍㗎！