Audi一直以鋼水好夠硬淨夠安全而聞名，而且自1928年開始已經發展保護重要人物用的防彈車，而今年亦推出了以新版旗艦車A8L6.0quattro改裝而成防彈版本，安全可靠到連德國總理都要用佢，剛訪問日本的德國女總理梅克爾（AngelaMerkel），亦有帶埋防彈A8一齊飛去日本，作為公式訪問期間的專用座駕。
文：之達
A8防彈版不單止將所有玻璃窗改用防彈強化玻璃，連車身及底盤亦經過強化，車胎係採用RunFlatTire（低壓安全胎），即使漏晒氣亦能夠以一定的速度安全行走。
A8L6.0本身已經係Audi的巔峯之作，配上W12引擎及豪裝設備，一早已被車迷譽為世界最具動感的豪華房車，今次再推出呢個防彈版本，簡直就係完美再加上完美，而且佢沉實大方的形象亦的確同元首身份襯到絕，試諗吓如果梅克爾唔用Audi改用青蛙眼波子的話，你話效果會係幾咁滑稽。