02/10/2007.....
多雲有雨
最新動態
英超盛勢，雲格卻公開說擔心泡沫就快爆破，佢讀經濟學出身，你見阿仙奴大賺，會認同佢講法咩？實情係部份球會入座率的確不理想，身在英國嘅Rosa話700蚊港紙買到飛睇伯明翰迎戰曼聯，好抵！其實門票收入嗰舊錢，遠不如從全球電視轉播權分到同賣精品嘅增幅驚人；最重要係你有辦法喺英超長玩長有，錢就會繼續來，爭冠軍？邊有咁唔實際諗住同Big4鬥。
前晚去酒吧睇愛華頓對米記，由於翌日係公眾假期，所以越夜越旺；識睇陣嘅球迷，臨場都會押向有阿廸達復出嘅拖肥糖。唔知大家有冇留意，呢兩隊中型班排出最前同最後嘅正選球員國籍，兩個龍門來自澳洲同美國，雙箭頭係埃及、南韓、蘇格蘭同尼日利亞兵，嘩！英超變成八國聯軍，你話呢幾個地區嘅波友，會唔會一樣同你睇緊直播呢？淨計呢筆轉播費都夠英超隊賺個夠。
我同友人CM、M同K，見到愛華頓贏緊一粒，即齊押注買愛華頓贏夠兩球，那夜星光多燦爛！
http://hk.myblog.yahoo.com/footballexperts/
逢周一至五見報
蘋果波神
股市大旺，英超盛世，大家齊來贏多啲！