衞冕欖球世界盃嘅英格蘭，早前喺分組賽擊敗湯加晉級，諗住喺星期六大戰澳洲前，去法國廸士尼鬆一鬆。點知就遇上「九霄驚雲」，話說當英格蘭球員玩過山車時，過山車上斜中途突然停咗15分鐘，之後先開番，嚇到球員一額汗。不過，英格蘭主力韋健遜事後就牙擦擦咁話：「我知道一定係樂園方面特登停車嚟嚇吓我哋！」