茶餐廳飲品向來規定「凍飲加2蚊」，多年來大家都習以為常，無人深究是否合理。直至近日網民LE4612發出反對聲音：「我覺得不太合理，其實份量差不多，只係用冰來顯得大杯一點！」「凍飲加2蚊」是否合理於是近日成為網民熱門討論話題，至今已有逾約200名網民發表意見，大部份人都認為並不合理，有人說加了冰的凍飲，實際份量有時較熱飲還少，有網民解釋：「冰要錢、飲管要錢，而做一杯凍飲的時間比熱飲耐啲。」網民mudulldull說：「我都覺得唔合理，幾塊冰就加2蚊，超搵笨！」
希望變成「集體回憶」
有網民指部份食店凍飲不止加「2蚊」，可能是3蚊甚至5蚊，令人難以接受。「只係香港先有呢啲做法，其他地方都唔會咁搶錢。不過，我試過喺紐西蘭旅遊，有間食店都係要凍飲加錢，嗰間店個名就叫做『香港茶餐廳』，激死。」Net神希望「凍飲加2蚊」有一天會變成港人集體回憶，不再存在就好了。
http://www14.discuss.com.hk/viewthread.php?tid=5264548&extra=page%3D3&page=1